تربية البنات
*********
بقلمي✍️السيد عطاالله
خلاص بقينا زي الخواجات
نسينا الأخلاق نسينا العادات
شوف إزاي إحنا نربي البنات
أبيض وأحمر و كل الألوانات
البنات ماشيه تتقصع
للأغاني ماشية تسمع
لما مرارتنا قربت تفقع
هن الكاسيات العاريات
ماشيه ولريحتها الناس تشم
شعرها باين و ما عاد فيه دم
تمشي و الفرجة ببلاش ياعم
بدنيا تانيه و بودنها سماعات
ترد ع الشباب المعجبين
عيب يا بنت الطيبين
ودنها من طين و عجين
فين الأدب راح يا بنات
أه كأننا بنأذن ف مالطه
أبوها ما غلط ولا غلطه
عبى المبادئ في شنطه
أصل إللي إختشى مات
ربي بنتك ع الأخلاق والصح
تحترم غيبتك وما تقدر تكح
فقرك مش عيب
فقر الأدب شح
قسما بالله الأدب زينة البنات
كلمات السيد عطاالله.
ليست هناك تعليقات:
إرسال تعليق