. سهرية
الليلة عنا السهرية غناني و أنغام
عطر الورد الجورية وياسمين الشام
دخيل ربك يا صدية بنت الأيام
معجونة برقة و حنية مرهم آلام
بنت الرجال مخاوية وما بتنضام
سقتني الكاس الصافي منها سكران
شفتا مبارح عصرية تسلب الروح
مثل البدر مضاوية بالحب تبوح
بنظرتها تطل عليي صوتا مبحوح
سلمتا قلبي هدية بحبها هيمان
عقدت شعرا جدولة و الشال يلوح
أم عيون المكحولة بالعطر تفوح
سقتني شراب العسولة دوا للروح
طعمتني بيدا تبولة بنت الجيران
يا أم الكعب العالي وخصرك ميال
لما تمري من قبالي بيرتاح البال
أنتِ عالقلب غالي و كل الآمال
دخلك لاتشغلي بالي بنغمة تحنان
د. غانم ع الخوري ..
ليست هناك تعليقات:
إرسال تعليق