بشعر العامية المصرية
( إزاي تختاري صح )
شهاده عاليه وموظفه
وابوها سمعته كده
جابت له يوم شاب
والحال مش قد كده
عاطل ما لوش شغله
وأزماته متعدده
قالت له جوزهولي
أنا راضيه بيه كده
ابوها يعمل إيه
والبنت متمرده
قالها نسأل عته
ونشوف حكايته إيه
وييجي ابوه أو عمه
وَنفكر نعمل إيه
مفيش تناسب بينكم
في الحاله الاجتماعيه
الفرق ياما بينكم
وظروفه صفر الميه
وكلامه من ورا قلبه
وما عندهوش حنبه
اصبري بكره يجيلك
إنسان سليم النيه
يقدر قيمتك عنده
وتعيشي عيشه هنيه
قالت له بس دا أجمل
وشكله حلو كمان
قالها والطبع أفضل
يكون حلو كمان
المنظر مش كفايه
أخلاقه بكره تبان
والأصل كمان ضروري
يكون طيب تمام
البنت قالت لازم
اتجوزه وخلاص
لا هو بلسان شاتم.
ولا شر بين الناس
وصممت تتجوز
ومش مهم الناس
دا كلهم حيقولوا
دي بنت عكس الناس
سعادتي معاه أهم
ومستقبلي راسماه
ابوها نصحها وقال
دي حياتك انتي اخترتي
ما تجيش في يوم وتقولي
حياتي معاه جحيم
وعايزه اطَّلق منه
دا بخيل ومش كربم
وعصبي من غير سبب
و سأعات يكون لئبم
واحواله ليها العجب
ما صرفش ولا مليم
ابوها قالها حاولي
تعيشي من غير غضب
نصحتك ياما ياما
وانتي كنتي السبب
يا تكملي المشوار
وترضى باللي حصل
يا تسيبي راجل الدار
وتقربي م الفشل
قالت له دي أقدار
مكتوبه منذ الازل
وأنا راضيه باللي صار
وحاسه كتير بالندم
وعمري ما أخد خطوه
في حياتي أو التزم
غير لما اشور عليك
وانفذ رأيك لَزَم
ابوها دمعت عينه
وقال يا للعجب
بنتي اللي حته مني
فاقت بعد التعب
وعرفت الأصول
بعقل يوزن دهب
وجات تحكي وتقول
وانا اقول نعم الأدب
قلت لها اختاري صح
بهدوء ومن غير شغب
تبقى حياتك صح
وتتباهي بالنسب
************************
بقلم د / عبد الرحمن فتحي الحناوي
من مصر.
السبت ٢٥ من نوفمبر ( تشرين الثاني ) سنة ٢٠٢٣
ليست هناك تعليقات:
إرسال تعليق