........... صبر السنين .......
صبر السنين خلصته معاك
ومنين أجيبلك صبر تانى
ايوه ايوه تعبنى هووواك
ولسه فيا جرحك الأولانى
كل الشهود قالولى إنساه
ارتاح بقا من جرح هواه
وقلبى لسه جرحك جواه
ودبلت الورود ع أغصانى
مقدرش الومك ولا اعاتبك
ولا مره تجينى ولا تكلمنى
انا خد القرار مش ح جاوبك
لأنى جاوبتك وما بتسمعنى
صبر السنين خلصته معاك
وانت ذى ما انت فى هواك
لا بتتغير ولا انا حتى بهمك
إشتكيتك وشهدت كل الناس
على قسووتك معايا وظلمك
سمعت وعودك ومنفذتهاش
ورايح جى تزيد فى عمايلك
لاء كده انت أنتهيت وخلاص
ومستحيل ف أى مره أرجعلك
خسرت كتير وعمرى اللى راح
وأزهارى دبلت من قبل الأوان
ماضى أليم اشووواك وجراح
وعرفت فرق القسوة من الحنان
.......................................
........ حسن الشوان 🇪🇬 .......
ليست هناك تعليقات:
إرسال تعليق