وبالسلامه ياحروب
جلال محمد
كفرالشيخ..مصر
رفرف الحمام
جاي ومعاه الأمان
و السلام
بصيت عليه بإهتمام
هللي وإفرحي يا أحلام
جانا الحمام ومعاه السلام
وملي حياتنا بالأنغام
وداعاً ياخصام
وبالسلامه ياحروب
وأهلاً أهلاً بالسلام
بأحلم أصحي ف يوم
وأملي كساتي بشراب
الأمن والأمان
بأحلم يوم مايبقاش
قنابل ع الأرض
ولامليتوف
ولاحتي بنادق
وسيوف
أشعربالدفا والقوه
ولا أخاف من البرد
ولا أي سلاح معروف
بحلم بسلام وطمئنيه
يفرح القلوب الحزينه
ويملاها حب وسَكِينه
سلام بصميم النيه
ويجينا الفجرالسعيد
بضيه
ينور قلوبنا بالنور الجديد
بحلم بسلام الورد للنسمه
والشمس للبسمه
سلام الليل للقمر ونزيل
من الحياه الضجَر
بحلم بسلام الندي للشجر
سلام النبض للقلب
سلام مفهوش نقطة دم
سلام الروح الجاي مع الفجر
المنتظر
سلام الحبيب اللي إتكوي
بالانتظار لحبيبته وطول
السهر
وبحلم.. وبحلم ..وبحلم
بالسلام المنتظر
........................
2023/11/7
ليست هناك تعليقات:
إرسال تعليق