يامركب ..... النسيان
******************
يامركب النسيان غبت لك زمان
البال مش رايق والفكر شغال
أطلع من حزن تحضنى أحزان
الهم دوامة على صدرى جبال
يامركب النسيان مع الفكر رحال
قولى أنت فين لوهعديلك بحار
نفسى أقطع للماضى أى حبال
ذكرياتى كلها وجع مر والام
الحاضر غاب بوجودى الأمان
المستقبل مقتول جوايا الآمال
نهارى ليل وليلى نهار
العسل بقا يطعم المرار
الوفا معدش له بنا مكان
الحب خلاص قهره المال
بيعنا دينا هجرنا القرآن
فتحنا للدنيا كل الأحضان
مش فارق معانا حلال وحرام
المسلم خلاص عن الآخرة غفلان
مفيش عظة حتى م الأموات
بقينا بدنيا الطمع وحب الذات
خلاص الخير بوجودنا مات
زمن الطيبة عدى وفات
كنت أتمنى يكون على فترات
**********************
بقلم
عادل جاد
ليست هناك تعليقات:
إرسال تعليق