لا للخراب
********
بقلمي✍️السيد عطاالله
بسم الله ولازم نصلي ع الرسول
حالنا كرب و أنا معك بهذا القول
العالم كله من غلا أسعار مقتول
كلامنا غالي إنتقينا كل الحروف
عاوز تاكل وتشرب حق مشروع
بالبناء نعمرها و الخراب ممنوع
اليوم ضيق وبكرة شفا موجوع
ده الغرب قطع وطننا بالسيوف
سلام عليكم أيها الشعب العنيد
أسعار غاليه و مفيش حد سعيد
لهذا وجب علينا أن نكون حديد
أنظر حولك ع الأحوال و شوف
هتلاقينا في نعمة لو تاخد بالك
عيش و خلي رزقك من حلالك
ربنا وحده بس قادر يغير حالك
لكن الشرط حول الحمد تطوف
عمر الدنيا ما ترسي على حالة
صبرنا و دوام الحالة استحالة
ابشر فبالصبر يبلغ المرء مناله
ربنا ضامن بكره ولا منه خوف
اعمل ما عليك والباقي على مولاك
قادر يغير الحال و بالرحمة يتولاك
يجيك الخير من الباب بدل شباك
لو لسانك شاكر ربه في كل الظروف
كلمات السيد عطاالله.
ليست هناك تعليقات:
إرسال تعليق