بنت حلال
********
بقلمي✍️ السيد عطاالله
الأفندي عاوز يجيب لها ضرة
أم العيال ف شقتها وأنت برة
نسيت سنين عمرها إللي راح
أنت ليه عاوز تزودها الجراح
عاشت سنين حرمان و مرار
يا ناكر العشرة طبعك غدار
كانت تكمل عشاها بالنوم
ياما تجرعت وياك هموم
عاوز تعيش لك يومين
يا أناني ضميرك راح فين
تاخد من عمرها و تديلك
و لما وقفت على حيلك
عاوز ترميها و كأنها لعبة
في إيه تاني لسه بالجعبة
ترميها لأنها صارت مريضة
رغم الألم إبتسامة عريضة
كانت تقابلك بوش بشوش
تشيل عنك أحزان تحوش
كانت لك في الكفاح رفيقة
قلبها نبع حنان أم و صديقة
عاوز تروح يلا مع السلامة
حبك ترك في قلبها علامة
تمتع باللي باقي من حياتك
ما دام قررت تعيش لذاتك
حيا الله أصلك بنت الحلال
قالت أنا وهبت عمري للعيال
كلمات السيد عطاالله.
ليست هناك تعليقات:
إرسال تعليق