إحكي يا شهرزاد
*************
بقلمي✍️السيد عطاالله
إحكي يلا يا شهرزاد
حكاياتك للأرواح زاد
كل ليلة بنفس الميعاد
إحكي عن طماع محتل
إحكي حكاوي عن الأقصى
إحكي عن قبلة لا تنسى
إحكي عن شهيد لا يشقى
إيمانه بالله في يوم ما قل
إحكي والدنيا براح
ما تبكي شهيد راح
زفيه لربه بالافراح
خلى المحتل يختل
إحكي عن أولى القبلتين
إحكي عن ثالث الحرمين
ناس مرابطين ليوم الدين
مستنين وعد ربنا عز وجل
إحكي تاريخ محتل العصر
حب الوطن ماله أي حصر
إحكي عن الأمل ف النصر
مستنين النصر أبدا ما نمل
إحكي عن أشجار الزيتون
أرضنا ها نفتديها بالعيون
دمنا مداد لشعرنا الموزون
متشبثين بالأرض ما نضل
كلمات السيد عطاالله.
ليست هناك تعليقات:
إرسال تعليق