احنا مابنعرفش نشمت
×××××××××××××××
احنا مابنعرفش نشمت فى حد ولا عايزين حد يشمت فينا×
والكل لازم يفهم إن اللى بيشمت قليل الأصل ومش مخلوق من عجينة طينتنا×
ولا شرب ولا أكل عيش وملح على طبلية من طبالى حتتنا×
لو بيعرفوا كل اللى ظلمونا انه حيجى يوم وربنا حيحاسبهم ع اللى عملوه فينا !!!×
ما كانوش ظلمونا ولا فكروش في يوم يعذبونا أو يتعبونا×
لكن مكتوب ومقدر ع الجبين إنهم يضغطوا فينا ويعصرونا ×
أهه دنيا فانية ولا حد واخد منها غير قطنة ناشفة وشوية تراب بيغطونا×
والكل بيزحلق فيها ويقوم ويقع ماتقولش مركب ياعينى في رجله صابونا×
وناسٍين الأصول وناسٍين الخير اللى عًملناه فيهم ونيتهم يقهرونا ويشلونا×
وعمالين يكًسروا بالأخلاق ويكًسروا بالأعراف ومن حقدهم بيسبونا×
لكن ربك عالم بحالنا هو اللى حيعرف يوًقف أذاهم فينا و لينا×
ويرد عقلهم فى راسهم وينزع الغل من صدورهم ويزيل صداعهم من دماغنا و حوالينا×
ولو معرفوش يشيلوا الغل والحسد من قلوبهم يريت يفكروا يبعدوا ويسبونا×
دحنا ما بنعرفش نشمت ياناس لأن أصلنا الطيب عملناه مداس وهما مفكروش في مصايبتنا يعزونا×
احنا مابنعرفش نشمت فى حد ولا عايزين حد يشمت فينا×
أديب وشاعر مهندس/ محمد عوض
15/4/2024
ليست هناك تعليقات:
إرسال تعليق