الحب و عذابه
***********
بقلمي✍️السيد عطاالله
ياللي بعدك مر
شفت في قربك نار
حبك ينفع أو يضر
أنا ماليش فيه إختيار
طيفك لو يمر
دايما أنا عاشق ليل نهار
مع أني مخلوق حر
مشتاق ما أطيق إنتظار
حبك ليه كر و فر
يا بستان الورد و أزهار
حبك طريق و ممر
لازم أمشيه أكمل المشوار
قلبي من عذابك ما فر
يلا اسقيني كمان مرار
عذابك نعمه مش شر
ما دام حضنك ليا دار
لو ع الهجر لسه مصر
الله يسامحك ع الاصرار
ابصم بالعشره و أقر
بأن نظرتك سهم و عيار
يا شمسي طول العمر
قلبي له حولك مدار
يا نور و احلى م القمر
نبع ع الشطين أشجار
طيفك على بالي خطر
الورد من عطرك يغار
نادى علي الحب و أمر
أعشق أمواج و بحار
كلمات السيد عطاالله.
ليست هناك تعليقات:
إرسال تعليق