حبر القلم
********
بقلمي✍️السيد عطاالله
يا حبر القلم اكتب
من نبع لا ينضب
اكتب على محتل
طماع عقله اختل
قام سلب أرضي
اغتصب عرضي
اكتب على غاشم
على أرضي جاسم
يا حبر القلم اكتب
من نبع لا ينضب
املى الورق اشعار
قلمك سيفه بتار
هجر خلاص غمده
بالقوه ربنا يمده
نادي صلاح الدين
كفايه تعبنا الأنين
يا حبر القلم اكتب
من نبع لا ينضب
الظلم ليه انتشر
ظالم كذاب أشر
بلادنا ليه متأخره
ليه دايما إحنا ورا
سلاحنا دعا وسب
ما نملك إلا شجب
يا حبر القلم اكتب
من نبع لا ينضب
خذ حبرك من دمي
لأنه مهما كان همي
حبي للوطن غالي
هواه غاية أمالي
سواء غني أو فقير
أرضي مليانه خير
يا حبر القلم اكتب
من نبع لا ينضب
ارسم نسر وعلم
مهما يكون الالم
بلادنا بلاد الكرم
مصر نيل و هرم
اكتب وسمي الله
محفوظه بأمر الله
كلمات السيد عطاالله.
ليست هناك تعليقات:
إرسال تعليق