. حياتنا
وحدو الزمان حافظ حكاياتنا
بيحكي قصص حبنا و روياتنا
يبرم حتى يعكر صفوة حياتنا
المراكب عاجزة توصل للمينا
النار ب قلبي تعمل حر الصيف
دمع عيوني يعمل شتي طيف
والعثرات ترسم صور الخريف
وحدو الربيع مش مبين فينا
يازمن روق شويةلنوثق عهود
تعال صالحك و نجدد العنقود
بلكي تحن أم العيون السود
وعقد الحب يجمع أسامينا
ننسى اللي كان كأنه ماكان
ندون للفرح والأمل عنوان
ورد الحب يزدهر بالألوان
سهرات الطرب تعمر ليالينا
لمّا الصبايا بتهلهل بالأفراح
بتعمر الدبكة و الراح بالراح
لوشربنا نخب كاسات الراح
ندعي للرب ع الود يخلينا
..غانم ع الخوري ..
ليست هناك تعليقات:
إرسال تعليق