أحلام الحرافيش
**************
بقلمي/ السيد عطاالله
ما تحلمش يوم بدجاجه
بعدها ساقع في زجاجه
حتى لو نفسك محتاجه
يا نفسي بطلي كوابيس
لو تحلم ببيضه حلمك مقبول
يطول في عمرك تنال القبول
لكن اوعى يوم حلمك يطول
تصحى جسمك كله دبابيس
خلي حلمك يادوب رغيف
لو ما طلته ها تنام خفيف
طبعا هتقول دمك ظريف
ياما أحلام راحت بالهويس
خلي حلمك على القد
لو دار الزمان و اشتد
ما تزعل لو حلمك تهد
دنيا مليانه بالمتاريس
مات الغلبان أبو حلم بسيط
غلبان طلب ستر ليه يحيط
غيره طالب م الخير محيط
يشتي بمصر يصيف بباريس
بسيطه يا أحلام الحرافيش
يوم يلاقي ويوم ما يلاقيش
مات مع أن حلمه كان يعيش
مات كان حلمه يكون عريس
كلمات السيد عطاالله.
ليست هناك تعليقات:
إرسال تعليق