فلسطين شعب شهيد بن شهيد
ياإنسان خلقت من طين
وكرمت بالعقل والتفطين
لكن فاقده الكثيرين
فكرت فى يوم بأطفال فلسطين
فكرت بيحلموا بأيه وزى ولادنا
ولاهم عنهم مختلفين
ياتري حلمهم ذيهم عروسه وكراسة وقلم ولا حجر ولقمة وغطاء
فكرت هما كبروا أد إيه
والطفل شايل بدل شنطة مدرسته
حجر فى يمينه وفي شماله الكفن مستنيه
عمرك فكرت إزاى طفل يشيب
وهو مازال طفل وليد
ولاعمرك تعرف إنه بيرسم بدل الورد فى البساتين قدس وحواليه صهيانه
بالرصاص عليه مصوبين
عمرك حسيت بيشعر بأيه لما أبوه وأمه
بالنهار معاه قاعدين وبالليل يشوفهم مدفونين عمرك حسيت بالظلم والقهر
وبنومهم عيونهم من الخوف مفتحين
واد إيه قلبهم حزين وميتين مع إن الكل شايفهم عايشين
تعرف أم الطفل بتعلمه إيه
وبيكتب فى الكراس ألف باء أنا شهيد
كل حلمهم هو التحرير من ايادى المستعمرين وبيت صغير فيه اسرة
اب وام واخوة بتفرح
يكون فيه شئ إسمه أمل
ويعيشوا زى الناس العاديين
لحد مابقى عندهم مرض اسمه احنا
اتخلقنا مش علشان نعيش وكلنا اسمنا
فى شهادة ميلادنا شهيد
ابن ابن وابن شهيد كلنا عايشين لنحرر القدس وأرضنا وعرضنا وخلوا كل العالم
فى العسل نايمين ماأصل أطفال فلسطين كلهم عنا مختلفين شعب أبطال من زمن الأولين وحتى يوم الدين
بقلمي د. حنان سلام...
ليست هناك تعليقات:
إرسال تعليق