........... سامحنا يا وطن................د.حسن الشوان الشوان
سامحنا يا وطن مش بإيدنا القرار
عايشين المحن ف محطة الإنتظار
والزمن جرى بينا والعمر فينا شاب
والمرايا كشفت الملامح والأسرار
لملمنا حروفنا من صفحات الكتاب
وطوينا خوفنا من ليالي الإنكسار
وكتمنا ظروفنا وجوانا الف عتاب
واللسان إتشرخ من ريح كلها غبار
وإحساسنا إتملخ من برود بلا اسباب
والعيون حزينة من مشاهدة الدمار
والقلوب بتبكى من قسوة الإرهاب
سامحني يا وطن مش بإيدي القرار
بندفع التمن والجمع تاه في الجراب
وسن القلم خرس وعشته بقت مرار
وصووت الألم بكا وحياته فى هباب
جواه أتكتم الشقا وشكله فى إنهيار
والدم عنوان جميل مضمونه سراب
والارض قالت عليهم الف عار وعار
ح نطق وأقول عليكم يوم الحساب
..............................................
........... د.حسن الشوان 🇪🇬 .........
ليست هناك تعليقات:
إرسال تعليق