حرام عليك
....................................
يا إبني حرام عليك
فايت أغا و طالع بيك
هاي مرتك هاي أم ولادك
بتحبك بتغار عليك
الكلمة الحلوة بتحاكيك
وما عم تعرف كيف ترضيك
وإنت أبدا ولا على بالك
يا إبني الله يهديك
.......................
ياريتك تفهم ياريت
وتعرف فن الإتكيت
المرأة هية أم ولادك
مانا خدامة بالبيت
ومرتك شريكة حياتك
وياما بقربا تدفيت
بقى لا تعلا وتوطا عليها
وتصب النار على الزيت
.........................
مرتك ببيتك ارضيها
وبكلامك لا تأذيها
عاملها بحب وحنية
وأوعك لا تتمأطع فيها
عم بتربيلك أولادك
ونبينا وصانا فيها
خلي بقلبك دوم الرحمة
وطيب خاطرها وواسيها
..................................................
ملك محمود الأصفر
ليست هناك تعليقات:
إرسال تعليق