. حكايا الليل
قنديلي نعس بليلي سهران
بشوق ناطر ولفي تا يلفي
كواني جمر الشوق حران
ناطر قبلتها للجمر تطفي
تسكرني شفاها بروح غميان
تانام بالحضن و لو نتفة/ي
بلمسة من يدها وخفة البنان
تصحي وتعيد الوعي برفة/ي
كأنها الملاك بهيئة إنسان
بتنعش روح وللقلب بتدفي
كلها رقة وعطفها تحنان
كل الوصف فيها ما يوفي
خدودا ربيع و زهر نيسان
قطف العسل رشفة من الشفة/ي
بستانها أثمر عنب و رمان
محروس من الجان متخفي
نيال صاحب الكرم إلو الأمان
وحده/و قادر يجني قطفة/ي
لو مايزتها بلولو و مرجان
ربحت و مالت صوبها الكفة/ي
.. غانم ع الخوري ..
ليست هناك تعليقات:
إرسال تعليق