انتظرتك..
عمري خلصته انتظار
بين غفوة ليل تاخذني وتردني
وانتظر بلكت تجيني..
وما اجيت...
وزاعليته الانتظار
حتى لو طيفك يجيني
يمر عله عيوني وينادي
انه اجيت..
وبين نجمات الفجر
والغبشه هاي.. فززوني بصوت
كالولي اجه...
هناك يم اخر محطة
الريل يگلي :
تعال
والنوارس تركض وياي
اعله لهفه..
تصيحيلي هو اجه
يله تعال
ومن وصلت اخر محطه
تشابگينه..وبوسيته
وگال كافي الناس فشله
گتله ماعندي مجال
لو تحب الناس مثلي
چان شبت بيها نار
وچان ماطر الفجر لون النهار
هواي تعبني إنتظارك !!
هواي گالو مايجي ..
بس أنته اجيت
واني بروحي حچي وعندي قرار
جاوبتهم ..هسه جاي..
هسه اكتب له قصيده
وارسم عيونه غزل
تترس عيون النهار
اني ما احب انتظر..
ولا أحبه الانتظار
بقلمي زهير جبر التميمي/ العراق
ليست هناك تعليقات:
إرسال تعليق